"ПСЖ" ҳужумчиси Неймар жиддий жароҳат туфайли анчадан буён жамоасига ёрдам бера олмаётган эди. Унинг қачон сафга қайтиши ҳақида маълумот берилди. Бу ҳақда RMC Sport хабар берди.
Маълум қилинишича, бразилиялик футболчи жароҳатидан кейинги тикланиш жараёнини бошлаган. Кўпроқ жисмоний машқларга зўр бермоқда. Неймар 6 февраль куни Франция чемпионати доирасидаги "Лилль"га қарши ўйинда майдонга тушиши мумкин.
30 ёшли футболчи 15 февраль куни Европа Чемпионлар лигасида "Реал"га қарши Парижда кечадиган баҳсга қадар тўлиқ спорт формасини тиклаб олмоқчи.
