2022 yilning 11 yanvar kuni soat 05:30larda Qashqadaryo viloyati Nishon tumani "Ko`ksoy" MFY hududidagi yo`lda Nexia va "KamAZ" ishtirokida YTH sodir bo`ladi. Bu haqda viloyat IIB xabar berdi.
Ma`lum qilinishicha, Nexia haydovchisi Qarshi shahar tomondan Nishon shahri tomon harakatlanib ketayotgan vaqtda shu yo`lning o`ng tomonida harakatlanib chiqqan "Kamaz"ning orta tirkamasiga urilgan.
YTH oqibatida Nexia haydovchisi va yo`lovchi og`ir tan jarohati olishi oqibatida vafot etgan. Yana bir yo`lovchi esa olgan jarohati sababli shifoxonaga yotqizilgan.
Mazkur holat yuzasidan jinoyat ishi qo`zg`atilib, tergov harakatlari olib borilmoqda.
