AQShning KTLA telekanalida jonli efir paytida noodatiy hol kuzatildi, deb yozadi “Lenta.ru”.
Ob-havo ma`lumotini o`qiyotgan boshlovchi qizdan efir vaqtida ko`ylagi ustidan kardigan kiyib olishni so`rashdi. Bu holat tomoshabinlar tomonidan katta jasorat sifatida qarshi olindi.
Studiyadan tayyorlangan videorolikda kadr ortidagi xodimlar teleboshlovchi Liberta Channi bir muddat chalg`itganini ko`rish mumkin. Boshlovchiga kulrang rangli kardiganni egniga ilib olishni taklif qilishgan. Buni sababini so`ragan boshlovchi qizga kadr ortidagi “ovoz” kanalning elektron pochtasiga Channing tashqi ko`rishiga nisbatan tanqidiy fikrlar kelayotganini aytdi.
Ma`lumotlarga ko`ra, teletomoshabinlarga ko`rsatuv boshlovchisining ko`ylagi juda ochiq tuyulgan.