Ayrim ijtimoiy tarmoqlarda "Toshkent IES" AJda energoblok davleniyasi ko`tarilib yonmoqda degan mazmun xabarlar tarqalmoqda.
"Issiqlik elektr stansiyalari" AJ ushbu xabarlarni rad etdi. Ma`lum qilinishicha, energoblok avtomatik ravishda himoya tizimini ishga tushushi natijasida o`chganda, energoblok ishlash davrida ishlab chiqarilgan bug`lar, qozon qurilmalarini himoya qilish maqsadida havoga chiqariladi. Bu tizimda normal texnologik jarayon hisoblanadi.
Ta`kidlanishicha, ayni paytda, "Toshkent IES" AJda elektr energiyasini ishlab chiqarish va energobloklarni yagona tizimga ulash bo`yicha zaruriy chora-tadbirlar olib borilmoqda.
