Oliy Majlisning Inson huquqlari bo`yicha vakiliga (Ombudsman)Farg`ona viloyati, Oltiariq tumanida yashovchi fuqaro D.D.dan nogironlik belgilashda amaliy yordam so`rab murojaat qildi. Bu haqda Ombudsman Axborot xizmati ma`lum qildi.
Aniqlanishicha, fuqarodan 2018 yili saraton kasalligi aniqlangan. Uning yozishicha, kasallik harajatlarining ko`pligi sababli, oilasi mahalladagi “Temir daftar” ga kiritilgan.
Murojaat yuzasidan tegishli tashkilotlarga murojaat qilinganida fuqaro D.D.ning kasalligi bo`yicha poliklinikada hisobda turganligi va yashash joyidagi Tibbiy maslahat komissiyasi tibbiy hujjatlarini nogironlikni belgilash masalasida Tibbiy-ijtimoiy ekspert komissiyasiga taqdim etmaganligi ma`lum bo`ldi.
Murojaat nazoratga olinishi natijasida fuqaro D.D. tegishli mutaxassislar ishtirokida tibbiy ko`rikdan o`tkazilgan va unga umumiy kasallik sababi bilan bir yil muddatga nogironlikni ikkinchi guruhi belgilandi.
