Iordaniyaning Amman shahrida o`tkazilayotgan boks bo`yicha Osiyo chempionatida o`smirlar o`rtasidagi chorak final bahslari tashkil etildi.
Kecha kun davomida 6 nafar bokschimiz chorak finalda ringga ko`tarildi va ularning barchasi g`alaba qozonib, yarim finalga yo`l oldi.
Ushbu g`alaba orqali olti nafar bokschimiz Osiyo chempionatining kamida bronza medalini naqd qilib qo`ydi.
Jumladan, Ilhomjon Ergashev iroqlik raqibini birinchi raundda mag`lub etdi. Samandar Olimov tojikistonlik bokschidan, Sunnatilla O`ktamaliev qirg`izistonlik raqibidan ustun keldi.
Mironshox Norqosimov iordaniyalik bokschini, Farrux To`laganov eronlik bokschini, Mirzakamron Yunusov esa BAA vakilini ikkinchi raundda mag`lubiyatga uchratdi.
