G`azo shahrida yashovchi bolakay “O`rgimchak-odam” kiyimida egiluvchanlik bo`yicha dunyo rekordini o`rnatishga harakat qilmoqda, deb xabar berdi “Lenta.ru” nashri.
G`azo shahrida yashovchi 12 yoshli falastinlik Muhammad al-Shayx akrobatik tryuklari tufayli “O`rgimchak odam” laqabini oldi. Bola egiluvchanligi tufayli Ginnesning rekordlar kitobiga kirishga umid qilmoqda. Hozircha mahoratini oshirish ustida tinimsiz mashq qilmoqda. Unga sportzal ham, murabbiy ham kerak emas, mashq qilish uchun joy tanlamaydi — ustiga “O`rgimchak-odam” kiyimini kiygancha ko`chada, plyajda, uyida ham kerakli mashqlarni bajarib ketaveradi. Quyida “O`rgimchak-bola”ning mashq jarayonida tushgan rasmlari bilan tanishishingiz mumkin.
