Xalq ta`limi vazirligi tomonidan “Youth techno art” xalqaro onlayn tanlovi o`tkazildi. Vazirlik Axborot xizmatining xabar berishicha, tanlovga Avstraliya, Malayziya, Armaniston va O`zbekistondan kelib tushgan jami 124 ta ariza orasidan eng yaxshi 54 ta loyiha hakamlar hay`atiga taqdim etilgan.
Loyihalar energiya manbalaridan maqsadli foydalanish, global ob-havo sharoitida sabzavotlarni etishtirish, turli kasalliklarni aniqlash va tashxis qo`yish bo`yicha foydali hisoblanadi.
Taqdim etilgan loyihalar hakamlar hay`ati tomonidan o`rganib chiqilib, eng yaxshi deb topilgan 3 nafar loyiha muallifi g`olib deb topildi.
G`oliblarga Xalq ta`limi vaziri o`rinbosari Rustam Karimjonov (https://t.me/rkarimjonov) tomonidan qimmatbaho sovg`alar topshirildi.
G`oliblar orasida ikki nafar o`zbekistonlik o`quvchi bor:
Jahongir Mahmudov – O`zbekiston Respublikasi, Buxoro viloyati, Jondor tumani 47-maktabning 7-sinf o`quvchisi;
Abdulaziz Nosirjonov – O`zbekiston Respublikasi, Uychi tumani, 16-maktabning 9-sinf o`quvchisi.
