Toshkent shahar hokimligi va Obodonlashtirish bosh boshqarmasi tomonidan tashkil etilgan "Yashil makon" - manzarali daraxtlar ko`rgazmasida taqdim etilgan hech bir daraxt ko`chati tadbirkorlar yohud davlat tashkilotlariga majburan sotilayotgani yo`q. Bu haqda Toshkent shahar hokimligining Matbuot xizmati ma`lumot berdi.
Tadbirning maqsadi ishtirokchilarni shaharga qanday daraxtlarni qay tarzda ekilgani ma`qul va to`g`ri bo`lishi haqida xabardor qilish. Bu yo`nalishda muhim ma`lumot va tavsiyalarni berishdan iborat.
Ko`kalamzorlashtirish ishlariga hissa qo`shishni istaganlar o`z xohishlariga ko`ra istalgan joydan daraxt va gul ko`chatlarini sotib olishlari mumkin.
Shaharni ko`kalamzorlashtirish va obodonlashtirishda Obodonlashtirish bosh boshqarmasi o`z rejasi asosida mustaqil ish yuritadi, — deyiladi xabarda.
