Xabaringiz bor, “Qamchiq” dovonida qor ko`chkisi xavfi e`lon qilinganligi tufayli, avtomobillar harakati uchun vaqtincha yopilgan.
Dovon yo`li yopilishi munosabati bilan Angren shahrida joylashgan “Angrenlend” oshxonasida shtab ish faoliyatini boshladi. Bu haqda FVV Matbuot xizmati xabar bermoqda.
Shuningdek, ayni vaqtda yo`lda qolib ketgan avtotransport haydovchilari va yo`lovchilarni Toshkent viloyatining Ohangaron va Angren shaharlari hamda Namangan viloyatining Pop tumanidagi mavjud umumovqatlanish shohobchalariga joylashtirish ishlari amalga oshirilmoqda.
Ular uchun zaruriy sharoitlar yaratilgan. Eslatib o`tamiz, qor qatlami yig`iladigan joylar holati mustahkam emas, ko`chki xavfi mavjud. “Qamchiq” dovoni bo`yicha qo`shimcha ma`lumotlar kun davomida berib boriladi.
Eslatib o`tamiz, ''Qamchiq'' dovonida yo`lning ostki tuproq qismi o`pirilib tushdi.
