Kuni kecha AOKAda "Ichki ishlar organlariga nomzodlarni tanlab olish tartibi, yangilik va imtiyozlar" mavzusida o`tkazilgan matbuot anjumani bo`lib o`tdi.
Unda organga ishga kirish masalasiga ham to`xtalib o`tildi.
Yangi tartibga asosan, nomzodlar uchun tanlovlar quyidagi bosqichlarda tashkil etiladi:
– dastlabki o`rganish;
– jismoniy tayyorgarlik darajasini baholash;
– intellektual rivojlanganlik darajasi va psixoemosional barqarorlikni baholash;
– yakuniy suhbat.
Qayd etilishicha, shu jumladan, xomzodlarni xizmatga tanlab olish bosqichlari o`zgartirilib, fuqarolarni tegishli hujjatlarini rasmiylashtirish tanlovlardan so`ng amalga oshiriladigan bo`ldi.
- Nomzodlar tomonidan tibbiy tekshiruv uchun ortiqcha mablag` sarflanishi oldi olindi;
- Ish samaradorligi oshib, xizmatga qabul qilish jarayoni tezlashdi;
- Kadr va tibbiyot xodimlarining ortiqcha vaqti va mehnat sarfi kamayishiga erishildi.
Shuningdek yo`riqnomada quyidagilar belgilangan:
- xizmatga munosib nomzodlarni tanlab olish maqsadida muntazam ravishda targ`ibot-tashviqot ishlari olib boriladi, ommaviy axborot vositalarida hamda ichki ishlar organlarining rasmiy nashrlari, veb-saytlarida bo`sh lavozimlar to`g`risida, shuningdek tanlov o`tkazilishidan kamida bir oy oldin tanlov o`tkazish joyi va kunlari to`g`risida e`lonlar joylashtiriladi;
- nomzodlarning jismoniy tayyorgarlik darajasini baholashda har bir mashqni bajarganlik uchun ball beriladi. Umumiy to`planishi mumkin bo`lgan maksimal ball – 30 ballni tashkil etadi;
- jismoniy tayyorgarlik darajasini baholash mashqlaridan jami to`plangan balli 15 balldan past bo`lgan nomzodlar saralashning keyingi bosqichiga o`tkazilmaydi.
