Qo`qon shahridagi xonadonlarning birida 5 kishi is gazidan zaharlanish natijasida vafot etdi. Bu haqda FVV ma`lum qildi.
Ma`lum bo`lishicha, 21 mart kuni Qo`qon shahar “Shikorbegi 62-sonli” MFY, Shikorbegi 3-berk ko`chasi 56-uyda 5 nafar fuqarolar vafot etgan. Ushbu xonadon tabiiy gaz bilan ta`minlangan. Marxumlarning o`lim sababini aniqlash maqsadida, sudga oid tibbiy ekspertiza tayinlangan. Ekspertiza natijalari olingandan so`ng, qo`shimcha ma`lumot taqdim etiladi. Mutaxassislarning o`rganishlariga ko`ra fuqarolar is gazidan zaharlanib vafot etganligi taxmin qilinmoqda.
Surishtiruv ishlari olib borilmoqda. Xonadon 2022 yil 18 fevral kuni Qo`qon "Biokiyo" FVB 30-YoQQ xodimi L.Naziraliev tomonidan yong`in xavfsizligi qoidalariga rioya qilish yuzasidan yo`riqnomadan o`tkazilib, maxsus daftarga imzo qo`ydirilgan.
