2022 yilning 23 mart kuni soat 15:16 da Mirobod tumani, Taras Shevchenko-Fidokor ko`chalari kesishmasida uta avtomobil ishtirokida avtohalokat sodir bo`ldi.
Toshkent shahar IIBBning dastlabki ma`lumotlariga ko`ra, 1997 yilda tug`ilgan haydovchi S.Z. “Spark” rusumli avtomashinasini boshqarib ketayotib, svetoforning qizil chirog`ida harakatlanib, svetoforning yashil chirog`ida harakatlanib kelayotgan 1998 yilda tug`ilgan haydovchi G.M. boshqaruvidagi "Malibu" rusumli avtomashina bilan to`qnashib, yo`l chetidagi daraxtga urilgan.
"Malibu" avtomashinasi esa qarama-qarshi yo`nalishga o`tib ketib, o`z yo`nalishda xarakatlanib kelayotgan haydovchi - 1993 yilda tug`ilgan R.D. boshqaruvidagi “Cobalt” rusumli avtomashina bilan to`qnashgan.
To`qnashuv natijasida “Spark” avtomashinasining haydovchisi S.Z. hamda uning bir yo`lovchisi 1998 yilda tug`ilgan U.Yu. turli xil tan jarohatlari bilan kasalxonaga yotqizilgan. Yana bir yo`lovchi esa ko`rsatilgan tibbiy yordamlarga qaramay kasalxonada vafot etgan.
Mazkur holat yuzasidan Toshkent shahar IIBB huzuridagi Tergov boshqarmasi tomonidan O`zbekiston Respublikasi Jinoyat kodeksining 266-moddasi 2-qismi bilan jinoyat ishi qo`zg`atilgan. Hozirda tergov harakatlari olib borilmoqda.
