Zamin xalqaro jamoat fondi va Prezident ta`lim muassasalari agentligi tomonidan Toshkent shahrida "ZAMIN CREATIVE" inklyuziv ijodiy studiyasi ochildi. Bu haqda Prezident ta`lim muassasalari agentligi ma`lum qildi.
"ZAMIN CREATIVE" - san`at sohasiga qiziqqan yoshlarning salohiyatini aniqlash va rivojlantirishga mo`ljallangan inklyuziv ijodiy ta`lim muhitidir.
"ZAMIN CREATIVE" ta`lim dasturidan ko`zlangan maqsad:
- yoshlarda aktyorlik mahorati,
- fashion dizayn
- media savodxonlik ko`nikmalarini shakllantirish
- ijodiy OTMlarga tayyorlashdan iborat
16 yoshdan 19 yoshgacha bo`lgan talabgorlar tanlov asosida "ZAMIN CREATIVE" studiyasining ilk ishtirokchilari bo`lish imkoniyatiga ega.
Talabgorlar joriy yilning 4-apreliga qadar ushbu havola orqali ro`yxatdan o`tishlari mumkin.
Hozirda 101-, 102- va 106-son eshitish qobiliyati zaif bolalar uchun ixtisoslashtirilgan maktab-internatlar o`quvchilari tanlovda o`z ijodiy ishlari bilan qatnashishmoqda.
