2022 yilda dunyoning eng boy ayollari ro`yxatini yana L'Oréal kosmetika imperiyasining merosxo`ri Fransuaza Betankur-Mayer boshqaradi. Bu haqda Forbes nashri xabar bermoqda.
Ushbu xonimning umumiy boyligi 74,8 mlrd dollarni tashkil qiladi. Elis Uolton undan keyingi o`rinni egalladi. Uning boyligi 65,3 mlrd dollar.
Jami milliarderlar reytingiga 327 nafar ayol kirdi, ularning umumiy boyligi 1,56 trillion dollarga baholanmoqda.
Reytingdan o`rin olgan dastlabki badavlat ayollar orasida Barbadosdan birinchi milliarderga aylangan Rihanna, Canva dizayn startapining asoschisi 34 yoshli Melani Perkins va Bill Geyts bilan ajrashganidan keyin milliarderlar ro`yxatiga kiritilgan Melinda Fransuz Geyts qo`shildi.
AQSh dunyodagi eng ko`p milliarder ayollarga ega – 90. Xitoy (63 nafar ayol milliarder, shu jumladan 11 nafari Gonkonglik) va Germaniya (35 milliarder).
