Bugun butun dunyoda Xalqaro yoga kuni nishonlanmoqda, deb xabar berdi “Gazeta.ru” nashri.
Hindistonda asosiy tadbir bosh vaziri Narendra Modi va 30 ming nafar yoga muxlisi ishtirokida Chandigarx shahrida bo`lib o`tdi.
“Mobil telefonni hayotingizning bir qismiga aylantirganingiz kabi yogani ham hayotingizning bir bo`lagiga aylantiring”, dedi Modi.
Yoga bilan ommaviy ravishda shug`ullanish Xitoyda, Kambojada, Avstraliyada, Fransiyada, AQShda, Malayziyada va Ekvadorda ham bo`lib o`tdi.
Bu bayramdan Rossiya ham chetda qolmadi. Hindistonning Rossiyadagi favqulodda elchisi Tvitterida Voronej, Penza va yana bir qancha shaharlarda ham yoga bayrami bo`lib o`tganligi haqida xabar qoldirdi.
2015 yilda Xalqaro yoga kunini nishonlash maqsadida Nyu-Deli shahri markazidagi Rajptax prospektiga 35 ming kishi to`plangan edi.
