Quvayt fuqaro aviasiyasi ma`muriyati kuchli qum bo`ronlari sababli mamlakatdagi havo qatnovini to`xtatdi. Bu haqda Anadolu xabar berdi.
Qayd etilishicha, Quvayt xalqaro aeroporti dushanba kuni mahalliy vaqt bilan soat 14:20 dan boshlab parvozlar uchun yopilgan.
Fuqaro aviasiyasi boshqarmasi direktori o`rinbosari Imad Al-Jelvining aytishicha, parvozlar ko`rish yaxshilanishi bilanoq qayta boshlanadi. Qum bo`roni futbolga ham ta`sir qilgan. Quvayt futbol federasiyasi 23 may kuni bo`lib o`tadigan “Kazma” va "Al Salmiya” klublari o`rtasida o`tkazilishi kerak bo`lgan Amirlik kubogi final o`yini 24 may sanasiga qoldirganini ma`lum qildi.
