Jahonda koronavirus infeksiyasi bilan kasallanish holatlari yana oshib bormoqda. So`nggi haftada o`sish dinamikasi dunyoning 70 ga yaqin davlatida qayd etilgan. Bu haqda SSV matbuot xizmati xabar qilmoqda.
JSST rahbari Tedros Gebreyesus Jenevada bo`lib o`tayotgan assambleya sessiyasida Afrika davlatlarida COVID-19dan o`lim ko`rsatkichlari ko`payayotgani ham xavotirli ekanligini ta`kidladi.
Uning so`zlariga ko`ra, “koronavirus har qadamda “tuhfa”lar hozirlashi mumkin va uning intensivligini oldindan aytib bo`lmaydi”.
Xo`sh, buyog`iga qanday yo`l tutgan ma`qul?
T. Gebreyesus bu haqda to`xtalar ekan, barcha mamlakatlarni aholisining kamida 70 foizini emlash bilan qamrab olishga chaqirdi.
Shu bilan birga, tibbiyot xodimlari, 60 yoshdan oshganlar hamda yondosh kasalligi bo`lganlar 100 foiz vaksina olishlari zarur.
Ammo, bugungi kunga qadar atigi 57 ta davlat 70 foizlik ko`rsatkichga erishgan, xolos. Dunyoda miqyosida esa bu raqamlar o`rtacha 60 foizni tashkil etyapti.
