Bu haqda darakchi.uz O`zbekiston Respublikasi Innovasion sog`liqni saqlash milliy palatasi xabar berdi.
Ta`kidlanishicha, Palata tomonidan 2022 yil 23 maydan boshlab tibbiyotdagi mazkur tahlil bo`yicha trening o`tkazish boshlandi.
Tinglovchilarning dastlabki guruhiga shoshilinch tibbiy yordam xizmatining (ShTYo) viloyat, shahar va tuman bo`linmalarining 115 nafar rahbar va mutaxassislari jalb etildi.
Milliy palataning Toshkent shahar hududiy bo`linmasi o`quv kursi o`tish huquqini tanlov asosida qo`lga kiritdi.
«Ishonchli dalillar asosida qarorlar qabul qilishda salohiyatni oshirib borish» nomli onlayn trening 72 soatga mo`ljallangan bo`lib, bir qator indikatorlarga zamonaviy normalar va yondashuvlarni o`z ichiga oladi. Ular, xususan, ShTYo ko`rsatish uchun tibbiy uskunalar va transport vositalaridan foydalanishning natijadorligini, «tez yordam»ni chaqirishda kasalliklarning asosiy guruhlarini, eng zarur dorilarni va hokazolarni tahlil etishda yordam berishi kerak.
«Mamlakatimiz rahbari tomonidan shoshilinch tibbiy yordam ko`rsatish sifatini oshirishga katta e`tibor qaratilyapti va biz yurtimiz ShTYo tizimiga eng yaxshi jahon tajribalarini jalb etishga hissamizni qo`shishni muhim vazifa deb bilamiz», — deb ta`kidlaydi Milliy palata rahbari Rovshan Izamov.
Bevosita ShTYo tizimida ishlaydigan odamlar salohiyatini oshirish — bu muhim qadam. Bu «tez yordam»ning qisqa vaqtlar oralig`ida barcha dori vositalari etarli bo`lgan holda ko`zga ko`ringan mutaxassislik bo`lishi uchun zarur bo`lgan ma`lumotlar tahlili zarurligini tushunish imkoniyatini beradi.
«Har qanaqangi sohada ham kadrlar masalasi muhim masalalardan biri sanaladi, lekin tibbiyotda shifokorlarning, turli darajadagi rahbarlarning salohiyatini oshirish — doimiy jarayon. Bu fuqarolarimizni tashxislash va davolashda tibbiy yordam sifatini aniqlaydigan indikatorlarni joriy etish yo`li bilanjahon sog`liqni saqlash tizimining eng yaxshi uslublarini qo`llash imkonini beradi», — deydi Milliy palataning Toshkent shahar xududiy bo`linmasi rahbari Elvira Marakaeva.
Shoshilinch tibbiy yordam tizimi faoliyatiga bunday tahlil amaliyotini joriy etgandan so`ng bizning sharoitimizda ma`lumotlarni tahlil etishga samarali yordam beradigan dasturiy ta`minotni tanlash va undan foydalanish oson bo`lib qoladi. Zamonaviy sog`liqni saqlash tizimi odamlar salomatligini muhofaza qiladigan, vaqti kelganda hayotini asrab qoladigan, shu jumladan, raqamli imkoniyatlardan imkon qadar ko`proq foydalanishga intiladi.
