“Haj – 2022” mavsumiga tayyorgarlik ko`rish yuzasidan bo`lib o`tgan brifingda haj safari boshlanish kuni ham ma`lum qilindi.
Ma`lum qilinishicha, O`zbekiston ziyoratchilari shu yil 18 iyun kuni “Uzbekistan Airways” aviakompaniyasining so`nggi rusumdagi zamonaviy havolaynerlari orqali Saudiya Arabistoniga parvoz qiladi. Muborak safarga jo`nash aviaqatnovlari shu yil 30 iyunga qadar davom etadi.
Ziyoratchilar O`zbekistonning 7 ta hududi – Toshkent, Namangan, Samarqand, Qarshi, Buxoro, Urganch va Nukus shaharlaridan tashish reja qilingan.
Barcha reyslar to`g`ridan-to`g`ri Madina shahriga amalga oshiriladi.
Ma`lumot uchun, joriy yil 14-31 iyul kunlari esa ziyoratchilarimiz ushbu mamlakatdan yurtimizga olib kelinadi.
Eslatib o`tamiz, sal avval joriy yilda Haj ibodatini ado etish qancha etib belgilangani va bu yilgi tartiblar ma`lum qilingan edi.
