АОКАда ўтказилган брифингда Дин ишлари бўйича қўмита ахборот хизмати раҳбари Илҳом Маърупов Ҳаж ибодатини адо этиш учун қандай талаблар қўйилгани ҳақидаги маълумотларни эълон қилди.
Жумладан:
- “Ҳаж-2022” мавсумида иштирок этиш ёш чегараси 65 ёшгача этиб белгиланди. Ушбу ёш чегарасига 1957 йил 30 июнь кунигача туғилган инсонлар киради. Ёш чегараси билан боғлиқ мазкур тартиб – Ўзбекистон томонининг эмас, балки Саудия Арабистонининг қатъий талаби ҳисобланади.
- Бўлажак ҳожилар Жаҳон соғлиқни сақлаш ташкилоти томонидан тасдиқланган Pfizer/BioNTech, Oxford-AstraZeneca, Moderna ёки Johnson & Johnson вакциналарининг тўлиқ дозасини қабул қилган бўлишлари шарт;
- Барча зиёратчилар менингитга қарши 4 валентли вакцинани қабул қилган бўлиши зарур;
- Саудия Арабистонига киришдан 72 соат олдин коронавирус диагностикаси ҳақида салбий натижали ПЗР маълумотномани тақдим этишлари лозим.
Эслатиб ўтамиз, сал аввал жорий йилда Ҳаж ибодатини адо этиш қанча этиб белгилангани маълум қилинган эди.
