Xonandalar orasida san`atni oilaviy tadbirkorlikka aylantirgan, shu orqali ro`zg`orini tebratayotganlar bisyor. Bu yaxshimi yoki yomon?
“7x7” gazetasi bu hol ish unumiga qanday ta`sir qilishi bilan qiziqdi.
Hosila Rahimova: “Oldingizda yaqin insonlaringiz bo`lmasa, san`atda biror natijaga erishish qiyin. Qo`lga kiritgan yutuqlarimda rahmatli otam Ibrohim hojining hissasi katta. Agar otam ijodni boshlashimga moddiy va ma`naviy ko`mak bermaganda boshqa sohaning etagini tutib ketarmidim?.. 2014 yilgacha turmush o`rtog`im O`ktam aka ma`murlik vazifasini bajarib keldi. O`z biznesi kengaygach, bu ishni sozandalarimdan biri Faxriddin Alimurodovga topshirdi. Ukam Abdumannon ham o`z yo`lini topguncha, ikkinchi hofiz sifatida to`yga men bilan birga chiqardi. Opam E`tiborxon esa konsertlarim tashkilotchisi. Eng omadli dasturlarni uning prodyuserligi ostida muxlislarga taqdim etyapman”.
Shahzoda: “Erishgan yutuqlarimda Ravshan akaning hissasi katta. San`atda yaxshi, uddaburon prodyusserni topish juda qiyin. Ammo menga bu borada ikki marotaba baxt qushi qo`ngan. “Tarona”dan ketganimdan keyin u hozir rasman prodyuserlik qilmaydi. Ammo kezi kelganda, ham moddiy, ham ma`naviy qo`llab-quvvatlaydi.
Dildora Niyozova: “Eng birinchi prodyuserim — dadam Sultonmurod aka bo`lganlar. Bor jamg`armalarini to`plab, ilk qo`shig`imni ovoz yozish studiyasida yozdirgan, qarz-qavola qilib bo`lsa-da, klip suratga oldirganlar. “Qiz bolani egasiga sog`-omon etkazish, yomon ko`zlardan asrash kerak”, deb akam Nodirbekni ma`mur qilib tayinlagan. Yashirishning hojati yo`q, ma`murlarning ko`pchiligi aldaydi, daromadni yashirishga harakat qiladi. Lekin biz bunaqa vaziyatga tushmaganmiz. Akamning birorta kattaroq xarajati bo`lsa, rostini aytadi. Yashirgan taqdirda ham o`sha pul ota-onamning uyiga boradi. Turmush o`rtog`im Latif aka —ish yurituvchi, radio va TVdagi chiqishim haqida bosh qotiradi.
Guli Asalxo`jaeva: “San`atkor bo`lishimda juda ko`p insonning mehnati singgan, boisi san`at faqat qo`shiq kuylash bilan chegaralanmaydi. Uning tashkiliy ishlari ham bisyor. Ilk prodyuserim opam Mavluda Asalxo`jaeva bo`ladi. Ijodim uchun moddiy-ma`naviy yordamini ayamaydi. Yakka ijodni boshlaganimdan buyon ma`mur vazifasini turmush o`rtog`im Ravshan aka bajaradi”.
Gulsanam Mamazoitova: “ San`atkorning yonida doimo ishonchli insonlari bo`lishi shart. Ijodimni akam Otabek Muhammad Zohidning ko`magida boshlaganman. U bilan birga to`ylarga chiqardik. Yakka ijodimni boshlaganimdan keyin prodyuser Said aka bilan hamkorlik qildim. Turmushga chiqqach, barcha tashkiliy ishlarni turmush o`rtog`im Sanjar aka o`z zimmasiga oldi. Hozir bizda prodyuser yo`q, turmush o`rtog`im bilan daromadga qarab, xarajat qilishni o`rgandik”.
Ulug`bek Rahmatullaev: “ Eng birinchi homiyim, shubhasiz, ota-onam bo`lishgan. Ilk qo`shig`imni ularning yordami bilan yaratganman. San`atkorning o`zi hamma ishga ulgurolmaydi. Tashkiliy ishlarni bajaradigan ishonchli odamlari bo`lishi kerak. Bu borada ukam Dilshodga suyanaman. Bir necha yildan buyon u ma`murlik vazifasini bajaradi”.
Lola Ahmedova: “Onam Dilbar Ahmedova asli jurnalist bo`lsa-da, biz uchun prodyuserlik sohasini ham o`rgangan. Hozir men va singlim Shahloga prodyuserlik qiladi. Ukam Abbos esa ma`mur. To`y va konsertlarda hamisha men bilan birga. Katta singlim Zulayho stilist, tashqi ko`rinish va liboslarimiz haqida qayg`uradi. Bilasizmi, san`atda, umuman hayotda begonalar pand berishi mumkin. Jigarlar esa hamisha bir-birini qo`llab-quvvatlaydi”.
10.12.2019, 20:06
Taniqli shved guruhi — «Roxette» solisti Mari Fredriksson 61 yoshida vafot etdi. Bu haqda Shvesiya OAVlariga asoslanib xabar berildi.Dagens Nyheter nashrining yozishicha, xonanda uzoq yillar davomida saraton xastaligiga...11.08.2017, 16:04
"Darakchi" gazetasidagi "10 qaltis savol" loyihasining galdagi mehmoni professionalmusiqiy bilimga ega xonanda UMIDAXON... 1 — “Umr o`tar”, “Yulduzimsan”, “Sendadur ko`nglim” va “Yo`limdan qoch”, “Serial”, “Safsata”...11.08.2017, 13:51
O`zbekiston va Qoraqalpog`iston xalq artisti Ozodbek Nazarbekov jurnalist Jasur Hamroev bilan suhbatda madaniyat vaziriningbirinchi o`rinbosari sifatidagibirinchi ish kuni qanday o`tgani hamda endilikda ijodini davom ettirishi...08.08.2017, 10:55
7 avgust kuni o`zbek shou-biznesining ikki vakili oila qurdi. Poytaxtdagi "Osiyo grand" restoranida Shohruhxonning ukasi, aktyor Muhammadali va Irodaxonning visol oqshomi bo`lib o`tdi. Shu kuni...