Uning kirdkorlari Bosh prokuratura huzuridagi Departamentning Buxoro shahar bo`limi tomonidan o`tkazilgan tergovga qadar tekshiruvda fosh qilindi.
Aniqlanishicha, fuqaro J.T. 3 nafar tadbirkorning ishonchiga kirib, ularga “O`zbekiston havo yo`llari” AJ bilan mahsulotlarni etkazib berishni, shuningdek, Chirchiq shahrida “laminat” ishlab chiqarish faoliyati bilan shug`ullanuvchi tadbirkorlar bilan shartnomalar tuzib berishni va`da qiladi. Buning evaziga jami 44 000 AQSh dollarini talab qiladi va pullarni qo`lga kiritadi.
Bundan tashqari, J.T. fuqarolar G`. va U.ga navbatsiz “Lacetti” rusumli avtotransport vositasini olib berish evaziga 7 000 AQSh dollarini olgani ham ma`lum bo`lgan.
"Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo`zg`atilib, tergov harakatlari o`tkazilmoqda",-deyiladi xabarda.