Bosh prokuraturasi huzuridagi Iqtisodiy jinoyatlarga qarshi kurashish departamenti holat yuzasidan xabardor qilmoqda.
Qayd etilishicha, M.Yu. va D.K.lar Yunusobod tumanidagi xonadonning elektr hisoblagichi (tamg`alari buzilmagan) go`yoki noto`g`ri ulanganligini ro`kach qilishib, shu bo`yicha tarmoqdan uzish haqida tuzilgan dalolatnomani ro`yxatdan o`tkazmaslik evaziga xonadon egasi A.dan 200 AQSh dollarini olishgan. Ular bu vaqtda ashyoviy dalillar bilan qo`lga tushishgan.
Shuningdek, o`tkazilgan tergovga qadar tekshiruvda Yunusobod tumani ETK ASKUE xodimi X.M. fuqaro M.Yu.ga 22-sonli soxta guvohnomani yasab berganligi aniqlangan.
"Mazkur holat yuzasidan Jinoyat kodeksining 168-moddasi (firibgarlik) va 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishi qo`zg`atilib, tergov harakatlari o`tkazilmoqda",-deyiladi xabarda.