Bugun, 20 iyun kuni O`zbekistonda 2022/2023 o`quv yili uchun oliy ta`lim muassasalarining bakalavriat ta`lim yo`nalishlariga abiturientlarni onlayn ro`yxatga olish boshlandi.
Vazirlik bu haqda xabar bermoqda.
Ma`lumot uchun, biturientlar telefon raqamini avtorizasiyadan o`tkazib, pasport, doimiy yashash manzili va tugatgan ta`lim muassasasi bo`yicha ma`lumotlarni kiritishlari, shuningdek, imtiyozlari mavjud bo`lsa, ularni tekshirishlari hamda chet tilidan milliy yoki xalqaro sertifikatini ham yuklashlari mumkin.
Ta`lim yo`nalishlarini esa 2022-2023 o`quv yili uchun qabul parametrlarining ta`lim tillari bo`yicha taqsimoti tasdiqlanganidan so`ng tanlash mumkin bo`ladi.
Ro`yxatga olish:
- Davlat test markazining my.dtm.uz sayti;
- Yagona interaktiv davlat xizmatlari portali (my.gov.uz) orqali amalga oshiriladi.
Eslatib o`tamiz, jarayon 20 iyulga qadar (shu kuni ham) davom etadi.
Chet tilidan kasbiy (ijodiy) imtihon o`tkaziladigan bakalavriat ta`lim yo`nalishlariga ro`yxatga olish esa 10 iyulga qadar (shu kuni ham) bo`lib o`tadi.
Mavzuga doir:
OTMga qabul kvotalarini tasdiqlashga nima to`sqinlik qilyapti?
