Nyurenberg shahridagi san`at va dizayn Yangi muzeyiga tashrif buyurgan 91 yoshli keksa ayol san`at asarida tasvirlangan krossvordni oddiy krosvord deb o`ylab, uni ruchka yordamida to`ldirdi, deb xabar berdi “Gazeta.ru” nashri.
Ayol muzeyga bir guruh ekskursiyachilar bilan birga kelgan. Daniyalik avangardchi rassom Artur Kepkening “So`z yozish” deb nomlangan surati oldida to`xtab, unga ruchka yordamida so`z yozgan. U polisiyachilarga yozgan tushuntirish xatida suratni krossvord deb o`ylab, so`z yozganini ma`lum qilgan. Bu surat 1960 yillarning o`rtalarida chizilgan bo`lib, uning narxi 116 ming dollar deb baholangan. Muzey direktori Esa Krauzening ma`lumot berishicha, etkazilgan zarar qoplanadi.
“Biz ayolga qilgan jinoyatini rassom tabassum bilan qabul qilganligini, xotirjam uxlashi mumkinligini etkazamiz. Polisiya xodimlari ham muzeyga ayolni jazolash uchun emas, balki sug`urta ishlarini rasmiylashtirish uchun keldi”,– deb ma`lumot berdi muzey rahbari.
