Internet saytlari va ijtimoiy tarmoqlarida “Jizzaxdagi zavodda hayvonlar tiriklayin kuydirilmoqda...mi?”, “Bir hayvon ikkinchi hayvonni o`tda kuydirmoqda”sarlavhalarida Zafarobod tumani Chimqo`rg`on QFYda joylashgan “Xuaxin” sement zavodi ishchisi kiyimidagi shaxsning kuchuk bolasini kuydirayotgani bilan bog`liq xabarlar tarqaldi.
Zafarobod tumani IIB xodimlari tomonidan ushbu xabar yuzasidan surishtiruv ishlari olib bordi.
Mazkur holatni sodir etgan shaxs Xitoy Xalq Respublikasida tug`ilgan, “Xuaxin” o`zbek-xitoy qo`shma korxonasida mexanizator bo`lib ishlovchi Man Ming ekanligi aniqlandi. Mazkur holat yuzasidan Zafarobod tuman IIB hodimlari tomonidan Man Mingning hayvonlarga shavqatsiz munosabatda bo`lganligi sababli unga nisbatan O`zbekiston Respublikasi MJtKning 111-moddasida (Hayvonlarga nisbatan shafqatsiz munosabatda bo`lish) ko`rsatilgan xuquqbuzarlikni sodir etganligi tufayli ma`muriy bayonnoma rasmiylashtirildi.