Bir guruh janubiy koreyalik turistlar Chorvoqdagi dam olish zonasida hordiq chiqarishmoqda. Xususan, ular ushbu hududdagi Ugam daryosida rafting uyushtirishdi.
Ugamdagi ekstremal turizm mashg`ulotlari ularda katta taassurot qoldirdi.
“Bu mening Toshkent viloyatidagi birinchi raftingim. Bu erda sportning ushbu faol turi bilan shug`ullanish uchun imkoniyat borligini bilmagan edim. Bugun ajoyib instruktor yordamida turmush o`rtog`im bilan raftingdan mazza qilib bahra olyapmiz. Men Toshkent viloyatini, Chorvoqni va raftingni sevaman”, - deydi sayyohlardan biri.
Bundan tashqari, Ugamda rafting uyushtirgan mahalliy turistlar ham o`z taassurotlari bilan o`rtoqlashdi.
