Viloyatda joriy yilda 26 ta g`allachilik klasterlari tashkil qilinib, 2022 yil hosili uchun 140 000 gektar suvli maydonlarda 6600 nafar fermer xo`jaliklari bilan fyuchers shartnomasi asosida boshoqli don hosili etishtirildi. Bu haqda Qashqadaryo viloyati hokimligi Axborot xizmati xabar bermoqda.
Viloyatda etishtirilgan joriy yilgi g`allani nes-nobud qilmasdan o`rib-yig`ib olish maqsadida har 2-3 ta kombaynni bittadan otryadga biriktirib, 176 ta otryadlar tashkil etildi. Viloyat hokimi Murotjon Azimov g`alla o`rim-yig`im mavsumini uyushqoqlik bilan o`tkazish maqsadida o`rim oldidan har bir tumanda bo`lib, mavsumga shaylik holatini mutaxassislar ishtirokida nazorat ko`rigidan o`tkazgan edi.
Prezident tashabbusi bilan don korxonalariga topshiriladigan tovar donning 80 foizi don korxonalari tomonidan o`tgan yilga nisbatan ikki birobar qimmat narxlarda, ya`ni, har bir tonna g`alla uchun uch million so`mdan to`lab berilgan bo`lsa, qolgan 20 foizi don korxonalari omborlarida saqlangan holda, bozor narxlarida birja savdolari orqali sotilib, fermerlarga to`lab berildi. Bundan tashqari, qariyb 500 ming tonnadan ortiq g`alla aholi va fermerlar ixtiyorida qoldirildi.
Joriy yilgi shartnomaviy rejaga ko`ra, davlatga 336386 tonna boshoqli don topshirish belgilangan bo`lsa, bugungacha 336695 tonna don topshirildi va reja 100,1%ga bajarildi.
Bu jarayonlarda Yakkabog` (120%), Kitob (119.8%), Shahrisabz (112.7%), Qamashi (111.2%), Chiroqchi (107.7%), Qarshi (104.2), Kasbi (103.3) va Koson (100.8%) tumanlari fermerlari yuqori natijalarni qayd etdi. Ayniqsa, Yakkabog` tumanidagi "Fayziev Amir Farxodovich", "Jovliev Dilmurod Abdishukurovich", "Boynazar o`g`li Sardorbek", "Abdurahmon", Shahrisabz tumanidagi "Ma`rufxon o`g`li Xalil", "Shaxzodabonu Farxod qizi", "Asadbek Mahmado`st", "Yangiboev Axror", Chiroqchi tumanidagi "Nurimov Dustmurod Maxmurodovich", "Sho`rquduk", "Tangir bobo", Kasbi tumanidagi "Boburshox orzusi", "Kurbonov Rajabpulat", "Nodirbek Xayrullaev", Nishon tumanidagi "Musurmon", "Dolliev Utkir", "Jovliev Abdirauf", "Daverov Abbos Baxriddin o`g`li", Muborak tumanidagi "Tursunboy Oynazarov", "Olam", Mirishkor tumanidagi "Yangi Jeynov Durdonasi", "Yorqin", Kitob tumanidagi "Shox Akbar", "Shodlik Shodon Sher", "Sarvar Doston oltin dalasi", "Baxriddin bobo avlodlari", G`uzor tumanidagi "Bobur Isroilovich", "Abdimuminov Davronbek", "Tursunpulat Daminov", Qarshi tumanidagi "Choriev Mardon Nomozovich", "Sodikov Xamza Baxromovich", "Boymurodov Toshpulat", Qamashi tumanidagi "Javlonbek sifat invest", "Xaqqi o`g`li Ilxom" va Koson tumanidagi "Shodi Saidov", "Samandar Nur Diyor" hamda "Yuksalish Agro Fayz Sanoat" ferier xo`jaliklari dalalarida hosil 75-80 sentnerni tashkil qildi.
Shuningdek, urug`lik don topshirish ishlarida ham voha mehnatkashlari faol. Ular mavsum boshidan 31505 tonna urug`lik don topshirib, yuqori o`rinlarda ketmoqda (90%). Bu natijalarda Nishon (107.4), Qarshi (107.3) va Yakkabog` (104.4%) tumanlari g`allakorlarining hissasi katta.
Viloyati g`allakorlari tomonidan bugungacha davlatga 370 000 tonnaga yaqin shartnomaviy va urug`lik don topshirganini hisobga olsak, bu ko`rsatgich o`tgan yilga nisbatan 50 ming tonnadan ziyod ekanligini ko`rsatmoqda.
Shu bilan birga, g`alladan bo`shagan maydonlarni aholiga, ayniqsa, yoshlarga berish orqali suvsizlikka chidamli va kam suv talab qiladigan sabzavot, poliz, kartoshka, sholi, dukkakli, moyli ekinlar navlari va duragaylarini takroriy ekin sifatida ekish boshlab yuborilgan.
