24 iyul kuni mahalliy vaqt bilan 22.00 da Germaniyaning Ansbax shahridagi Eugens Weinstube restorani yonida portlash yuz berdi, deb xabar berdi “Lenta.ru” nashri.
Portlash oqibatida bir kishi halok bo`ldi, 12 kishi yaralandi. Restorandan uzoq bo`lmagan joyda uch kunlik musiqa festivali o`tkazilayotgan edi. Teraktdan keyin festival to`xtatilib, ikki mingdan ortiq odam evakuasiya qilindi.
Yakshanba kuni shahar oberburgomistri Kard Zaydel restoran oldida portlovchi qurilma ishga tushganini, Bavariya IIV esa portlash qasddan sodir etilganini ma`lum qildi. Kriminalistlar ishga tushib, portlash xudkush yordamida amalga oshirilganini aniqladi.
Olib borilgan tezkor ishlar natijasida portlashni voqea joyida halok bo`lgan suriyalik 27 yoshli yigit amalga oshirgani ma`lum bo`ldi. Bu haqda 25 iyul kuni Bavariya federal erlari ichki ishlar vaziri Yoaxim Xerrmann Reuters'ga xabar berdi.
IIV rahbariyati terakt amalga oshirilganiga ishonch bildirdi, chunki voqea joyidan halok bo`lgan yigitning mobil telefoni topilgan. U huquqni muhofaza qilish idorasi xodimlariga topshirilgan.
Xerrmannning so`zlariga ko`ra, suriyalik yigit bundan ikki yil ilgari Germaniyaga kelib, boshpana berish haqida iltimos qilgan. Ammo bundan bir yil ilgari uning iltimosi rad etilgan, deb xabar qiladi TASS.
Nordbayern.de portalining ma`lum qilishicha, ryukzak osib olgan yigit musiqa festivali o`tayotgan joyga kirmoqchi bo`lgan, ammo xavfsizlik xizmati xodimlarining odamlarni tekshirib o`tkazayotganini ko`rib, orqaga burilib, restoran tomonga ketgan.
Reuters'ning xabar berishicha, yigit polisiya xodimlariga yaxshi tanish bo`lgan, u ilgari ikki marotaba joniga qasd qilishga harakat qilgan.
14.11.2022, 09:28
Turkiyaning Istanbul shahri markazidagi Istiqlol ko`chasida uyushtirilgan hujumda gumonlanuvchini qo`lga olindi, deya xabar bermoqda “Anadolu”ga tayanib "interfax".Ma`lum qilinishicha, ichki ishlar vaziri Sulaymon Soylu yakshanba kuni...19.11.2019, 15:28
2017 yilning 31 oktyabr kuni Nyu-Yorkda yuk mashinasi Manxetten hududining janubi-g`arbiy qismidagi velosiped yo`liga chiqib, 8 kishining umriga zomin bo`lgan, yana 12 kishi jarohat olgan.18...15.09.2017, 14:45
London metrosining Parsons-grin bekatida portlash yuz berdi, jabrlanganlar bor, deya xabar beradi The Sun nashri.Bir necha kishi kuyish jarohatini oldi. Polisiya hodisani terakt deb baholadi.Xabarlarga...30.06.2017, 14:03
Las-Vegasdagi poliklinikalardan birida bemor erkak o`q uzib, ikki kishini yaraladi va o`zini otib o`ldirdi, deb xabar berdi Ria.ru nashri. Polisiya xodimining ma`lum qilishicha, poliklinikaga kelgan...