“Omikron” shtammining BA.4 va BA.5 subvariantlari AQShda ro`yxatga olinayotgan koronavirusga chalinish holatlarining 80 foizdan ziyodini tashkil etyapti. Bu haqda SSV matbuot xizmati xabar bermoqda.
Xususan, BA.5 versiyasi umumiy bemorlarning 65 foizida aniqlanayotgan bo`lsa, BA.4 kichik shtammida bu ko`rsatkich 16,3 foizga teng. Shundan kelib chiqib, BA.5 Qo`shma Shtatlarda dominant variant sifatida tan olindi.
Shifokorlarning ta`kidlashicha, BA.4 va BA.5 “omikron”ning dastlabki variantlariga qaraganda yuqumliroq. Shuningdek, ular kasallikdan so`ng hosil bo`ladigan immunitetga osonlik bilan “chap berish” xususiyatiga ega.
Kolumbiya universiteti professori Jeffri Saks mavjud vaziyatga baho berar ekan, AQShda hozir COVID-19ning o`sish dinamikasi kuzatilayotgani, yozgi ta`til mavsumidan so`ng bolalar maktablarga, kattalar ish joylari hamda boshqa yopiq joylarga qaytishi bilan ko`rsatkichlar keskin oshib ketishi mumkinligini ta`kidladi.
Shunga qaramay, mutaxassislar to`liq bosqichda va buster dozada emlangan kishilarda “omikron”ning VA.4 va VA.5 subvariantlari engil va asoratsiz o`tadi, degan xulosada.
05.01.2023, 11:00
Jahon sog`liqni saqlash tashkilotining ma`lum qilishicha, “omikron” shtammining yangi XBB.1.5 subvarianti 29 mamlakatda ro`yxatga olindi. Bu haqda SSV matbuot xizmati xabar bermoqda. Ma`lum qilinishicha, bu...19.01.2022, 21:54
Buyuk Britaniya bosh vaziri Boris Jonson Angliyada koronavirusning "omikron" shtammiga qarshi kurashish maqsadida joriy etilgan cheklovlarni bekor qilinishi ma`lum qildi. Bu haqda BBC xabar bermoqda. Qayd...06.01.2022, 20:41
Hindistonning Sog`liqni saqlash vazirligi xabariga ko`ra, 5 yanvar kuni mamlakatda koronavirusning “Omicron” shatmmi bilan bog`liq birinchi o`lim holati qayd etilgan. Qayd etilishicha, vafot etgan bemor 74...24.12.2021, 23:39
Jahon sog`liqni saqlash tashkiloti xabar berishicha, koronavirusning yangi shtammi "omikron" bugungi kunga kelib 110 mamlakatda aniqlandi. "Shuni ma`lum qilamizki, "omikron" shtammi 110 ta mamlakatda va JSSTning...