Senat va Qonunchilik palatasi iyul oyi boshida Qoraqalpog`istonda sodir bo`lgan voqealar yuzasidan mustaqil tekshiruv o`tkazish bo`yicha komissiya tuzdi. Komissiyaga ombudsman Feruza Eshmatova rahbarlik qiladi.
Komissiya tarkibiga O`zbekiston Respublikasi Oliy Majlisi vakillari va xalq deputatlari, nodavlat notijorat va jamoat tashkilotlari rahbarlari hamda xodimlari kiritildi.
O`tkazilgan tekshiruv natijalari e`lon qilinadi va O`zbekiston jamoatchiligi va jahon hamjamiyatiga etkaziladi.
