Taniqli turk aktyori Burak O`zchivit XIV Toshkent xalqaro kinofestivalining yulduzli mehmonlaridan biriga aylanadi. U Turkiya delegasiyasi tarkibida Toshkentga tashrif buyuradi va boshqa turk aktyolari bilan birga kinofestivalning asosiy tadbirlarida ishtirok etadi.
Joriy yilning 15 sentyabr kuni Forumlar saroyida tantanali ravishda ochiladigan "Turk kinosi kunlari" shular jumlasidandir. Bu haqda Kinemotografiya agentligi xabar bermoqda.
Qayd etilishicha, Turkiya delegasiyasi Toshkentda bir qator filmlar namoyishini o`tkazib, 16 sentyabr kuni Urganch shahriga jo`nab ketadi va u erda ham 2 kun davomida o`z filmlarini namoyish etadi.
Toshkent xalqaro kinofestivalining Bosh direktori bu ishlarda berilgan ko`mak uchun Jahongir Ortiqxo`jaevga tashakkur aytdi.
"Toshkent shahar hokimligiga turk seriallari yulduzlarining kinofestivalga kelishini tashkil qilganligi uchun ularga minnatdorchilik bildirmoqchiman. Ishonchim komilki, ularning tashrifi ko`plab muxlislarni quvontiradi", – dedi Firdavs Abduxoliqov.
