13-18 sentyabr kunlari bo`lib o`tadigan “Ipak yo`li gavhari” XIV Toshkent xalqaro kinofestivaliga dunyoning eng yaxshi kinoijodkorlari tashrif buyurishadi.
Ma`lum qilinishicha, taklif etilgan mehmonlar orasida taniqli rossiyalik aktyor Sergey Bezrukov ham bor. U kinofestivalning ochilish marosimida va barcha yirik tadbirlarda ishtirok etadi.
Eslatib o`tamiz, 13 sentyabr kuni “Yulduz” kinoteatrida Artem Mixalkovning “Janob nokaut” filmi namoyishi bo`lib o`tadi.
Filmni kinorejissyor Artyom Mixalkov va bosh rolni ijro etgan aktyor Sergey Bezrukov taqdim etadi.
Bundan tashqari, 13 sentyabr kuni Sergey Bezrukovning mahorat darsi ham bo`lib o`tadi. Uning VGIK Toshkent filiali talabalariga aktyorlik sirlari haqida mahorat darsi kutilmoqda.
