Qirg`iziston va Tojikiston Milliy xavfsizlik davlat qo`mitasi rahbarlari Qirg`iziston Respublikasi va Tojikiston Respublikasi chegaradosh hududlaridagi qurolli mojarolarni tartibga solish bo`yicha protokolni imzoladilar, deb xabar bermoqda Qirg`iziston Respublikasi Milliy xavfsizlik davlat qo`mitasi.
Hujjat quyidagilarni ta`minlaydi:
▪️harbiy harakatlarni to`liq to`xtatish;
▪️qo`shinlar va harbiy texnikani doimiy joylashtirish joylariga olib chiqish;
▪️ chegara postlari va komendaturalarini birgalikda tekshirish;
▪️14 va 16 sentyabr kunlari sodir bo`lgan qurolli to`qnashuvlarni tergov qilish.
Ta`kidlanishicha, tomonlarning chegara hududida tinchlik va barqarorlikni tiklash bo`yicha birgalikdagi faoliyati davom etmoqda.
Qirg`iziston Respublikasi Milliy xavfsizlik davlat qo`mitasi Chegara xizmati tomonidan bugun, 20 sentyabrdan boshlab davlat chegarasining qirg`iz-tojik uchastkasida portlamagan snaryadlar, minalar, o`q-dorilar qidirib topiladi va zararsizlantiriladi.
Minalar tozalash ishlari olib boriladigan joylar o`rab olinadi va qo`riqlanadi.
Qirg`iziston Respublikasi Milliy xavfsizlik davlat qo`mitasi PX chegara hududi aholisini xotirjam bo`lishga va provokasiyalarga berilmaslikka chaqiradi.
