"O`zgidromet" shoshilinch xabar e`lon qildi. Unga ko`ra, joriy yilning 25-27 sentyabr kunlari O`zbekiston hududiga Volga bo`yi hududlaridan salqin va biroz nam havo kirib keladi.
25 sentyabrda Qoraqalpog`iston Respublikasi va Xorazm viloyatida, 26-27 sentyabr kunlari respublika bo`yicha ba`zi joylarda shamol 15-20 m/s gacha kuchayishi, ayrim joylarda chang-to`zonlar kuzatilishi kutilmoqda.
25-26 sentyabrda Qoraqalpog`iston Respublikasida, 27 sentyabrda Surxondaryo viloyatida va Farg`ona vodiysi viloyatlarida ba`zi joylarda shamolning kuchayishi 21-23 m/s ga etishi mumkin.
25 sentyabrda Qoraqalpog`iston Respublikasida, Xorazm viloyatida, 26 sentyabrda Qoraqalpog`iston Respublikasida, Xorazm, Buxoro, Navoiy viloyatlarida, 27 sentyabrda respublikaning tog` oldi va tog`li hududlarida ba`zi joylarda yomg`ir yog`adi, momaqaldiroq bo`lishi mumkin. Baland tog`larda (2500 m dan yuqorida) yomg`ir qorga aylanishi mumkin.
26 sentyabrda shimolda, 27 sentyabrda respublikaning barcha hududlarida havo harorati kechalari 10-13° gacha, kunduz kunlari 22-25° gacha pasayadi.
