Ijtimoiy tarmoqlarda ayol yosh go`dagiga shafqatsiz munosabatda bo`layotgani aks etgan video tarqalgan edi. Ushbu voqeaning "qahramoni" – samarqandlik ayolning bu hatti-harakatlari keng jamoatchilik tomonidan katta muhokamalarga sabab bo`lgan edi.
Mazkur voqea sudda o`rganildi.
Sud zalida ayolning qaynonasi kelinini onalik huquqidan mahrum qilishni talab qildi. Jabrlanuvchi sifatida kelgan qaynona kelinini mehrsizlikda aybladi.
Voqeani tasvirga olgan ayol ham sudga chaqirtirildi. Guvoh tasvirni tarqatganligi uchun o`zini aybdor ham hisoblayotganligini ma`lum qildi. Ayolning turmush o`rtog`i o`z ko`rsatmasida xotinini aslida farzandlariga mehribon ekanligi aytgan.
Jinoyat ishlari bo`yicha Payariq tuman sudi sudyasi o`z bolasini vahshiylarcha urgan onaga nisbatan ikki yilga ozodlikdan cheklash bo`yicha hukm o`qidi.
