AQSh hukumati Ukrainaga tinch aholi xavfsizligini ta`minlash uchun qo`shimcha 457,5 million dollar ajratadi. Bu haqda AQSh Davlat kotibi Entoni Blinken Tvitterda ma`lum qildi, deb yozmoqda "Zamon.uz".
“Qo`shma Shtatlar fuqarolarning hayotini saqlab qolish hamda huquqni muhofaza qilish va jinoiy sud ishlari bo`yicha ukrainalik hamkorlar salohiyatini oshirish uchun qo`shimcha 457,5 million dollar ajratdi. Bu mablag` fuqarolar xavfsizligini ta`minlaydi”,— deb yozdi u.
Eslatib o`tamiz, o`tgan hafta EI Kengashi Ukrainaga 5 milliard evro ajratishni ma`qulladi. Ukraina Evropa Ittifoqining makromoliyaviy yordamining ikkinchi transhini bir oy ichida, yana bir qismini esa yil oxirigacha olishi mumkin.