Sankt-Peterburg aholisi betmobil bilan suratga tushish baxtiga musharraf bo`ldi, deb xabar berdi “Lenta.ru” nashri.
Suratlar “VKontakte” ijtimoiy tarmog`iga joylashtirilgan. Avtomobil egasi uni yaxshi xaridor topib, sotish uchun Moskvaga olib ketayotganligini bildirgan.
Betmobil avgust oyining oxirida Moskvaning tomosha-savdo markazida ko`rgazmaga qo`yilishi haqida Auto.ru saytida xabar berilgan.
Betmobil 2010 yildan beri Buyuk Britaniya hududidan chiqmagan. U juda yaxshi saqlangan. Warner studiyasi betmobilni dunyodagi eng zo`r model deb tan olib, uning egasiga tegishli sertifikatni topshirgan.
Mashina General Motors shassisi asosida yaratilgan bo`lib, Ford 460 BigBlock dvigateli bilan jihozlangan ( 550 ot kuchiga ega), soatiga 250 kilometr yo`l bosadi.
Avgust oyining boshida OAVlarda yana bir betmobil avtomobolining sotuvga qo`yilgani haqida xabar berilgan edi. Bu avtomobil 1960 yilda ko`rshapalak-odam haqidagi teleserial uchun yaratilgan. U 2013 yilda 4,2 million dollarga sotilgan.