Xitoylik ayolga ikki firibgardan biri o`zini 305 yoshli Syanlunom imperatori deb tanishtirib, ishonchiga kirgan va ayol unga etti million dollar pulini o`z qo`li bilan topshirgan, deb xabar berdi “Tjournal.ru” nashri.
Ayolning so`zlariga qaraganda, firibgar “obihayot” suvini ichgani tufayli 305 yoshga kirganligiga, imperator xazinasiga egalik qilish uchun unga pul zarurligiga ishontirgan.
Jabrlangan ayol avvaliga firibgarga “boylikni muzlatish”da kerak bo`ladigan qandaydir nefrit haykallarni sotib olish uchun 300 ming dollar bergan. Firibgarning sherigi o`zini tadbirkor Jorj Sorosning jabrlangan o`quvchisi deb tanishtirgan. Ular ayolni “foyda keltiruvchi biznes”ga 15 million yuan, oradan 4 oy o`tgandan keyin Shenchjenda yangi texnologiyali firma ochish uchun 30 million yuan ajratishga ko`ndirgan.
Firibgarlar ehtiyotsizlik tufayli barcha o`g`irlangan mablag`ni ochiqchasiga uy, avtomobil va giyohvand moddalar sotib olishga ishlatgan. Shenchjen sudi firibgarlarni aybdor deb topganiga qaramay, ularga hali jazo berilmagan.
Nashrning ma`lumot berishicha, Xitoyda yuqoridagi kabi firibgarlik jinoyati juda keng tarqalgan. 2013 yilda o`zini Sin dinastiyasi malikasi deb tanishtirgan 48 yoshli ayol bir qancha odamlardan firibgarlik yo`li bilan 2,3 million yuanni o`margan. Bunday holatlarda jinoyatchilar qadimiy xazinaga egalik qilish uchun odamlarni pul zarurligiga ishontirishgan.