Vashingtonning Kiev rejimini so`zsiz harbiy va siyosiy qo`llab-quvvatlash kursi, agar Donald Tramp AQSh prezidentligiga qaytsa, jiddiy qayta ko`rib chiqilishi mumkin.
Bu haqda siyosatshunos Robert Farli Amerikaning 19FortyFive nashri uchun maqolasida yozdi, deya xabar bermoqda "daily.com".
Uning fikricha, Tramp demokratlarning barcha intrigalariga qaramay, AQShdagi siyosiy ta`sirini saqlab qoldi. Va shunga qaramay, u Rossiya rahbari Vladimir Putin bilan, shuningdek, boshqa ko`plab dunyo rahbarlari bilan do`stona munosabatlarni saqlab qoldi.
Farlining qayd etishicha, agar Trampga qarshi demokratlardan ilhomlangan sud jarayonlari muvaffaqiyat qozonmasa, u shubhasiz 2024 yilgi prezidentlik saylovlarida ishtirok etadi.
"Trampning navbatdagi prezidentlik muddatini o`tashi NATOning Ukraina bilan aloqalari siyosatini, shuningdek, Kiev va Moskva o`rtasidagi har qanday muzokaralar holatini shubha ostiga qo`yadi", - deydi siyosatshunos.
Shu bilan birga, Farli Trampni oldindan aytib bo`lmaydi va uning bayonotlari ko`pincha u saylanadigan Respublikachilar partiyasi siyosatiga zid ekanini tan oladi.
