Prezident ta`lim muassasalari agentligi o`quvchilarni kirish imtihonlariga tayyorlashda ko`mak berish maqsadida yangi loyihaga qo`l urdi. Bu haqda agentlikning Matbuot kotibi "Darakchi.uz"ga ma`lum qildi.
Agentlik tizimidagi maktablarda faoliyat yuritadigan eng tajribali o`qituvchilar yordamida video-darslar yozib olindi.
Endi Prezident maktabiga o`qishga kirishga nomzodlar mantiqiy fikrlash, matematika darslariga oid misol va masalalarni echish usullarini onlayn o`rganishlari va imtihonlarga tayyorlanishlari mumkin.
Xabaringiz bor, Prezident ta`lim muassasalari agentligiga Prezident maktablaridagi muhitni, metodikani boshqa maktablarga ham olib kirish vazifasi yuklatilgan. "Onlayn dars" loyihasini olib borilayotgan ishlarning davomi deb baholash mumkin.
Ingliz tili darsidan tayyorlanayotgan video-darslar ham tez kunda rasmiy sahifalar orqali taqdim etilishi rejalashtirilgan.
Mantiqiy fikrlash va matematika testlaridan tayyorlangan video-darslarni ushbu havolalar orqali topishingiz mumkin:
https://piima.uz/page/onlayn-dars
https://t.me/piimauz
