7 noyabr kuni Sportni rivojlantirish vazirligida O`zbekiston Respublikasi Davlat bayrog`ini qabul qilingan kun munosabati bilan “YangiNafas” sport ommaviy yugurish musobaqasiga bag`ishlangan matbuot anjumani bo`lib o`tdi.
13 noyabr kuni yurtimizning 15 ta shahrida bir vaqtda “Bir vatanda, bir vaqtda, bir masofaga, bir maqsadda – birga yuguramiz!”shiori ostida “YangiNafas”ommaviy yugurish musobaqasiga start beriladi.
Mazkur ommaviy yugurish musobaqasida butun respublika bo`ylab 32 mingga yaqin ishtirokchi qatnashishi kutilmoqda. Xususan, Yangi Nafas ommaviy yugurish musobaqasiga O`zbekistonning 85 ta oliy o`quv yurtlaridan deyarli 27 mingta talaba ishtirok etishi rejalashtirilgan.
Sport ommaviy tadbirlariga inklyuziv qadriyatlarning joriy etilishi "Yangi Nafas" ommaviy yugurish musobaqalarining muhim qismi bo`lib hisoblanadi. Adliya vazirligining ko`magida har bir "Yangi Nafas" ommaviy yugurish musobaqasiga nogironligi bo`lgan yuguruvchilar jalb qilinadi. Tashkilotchilar tomonidan “G`alabaga iroda uchun” maxsus nominasiyasi ta`sis etildi.
Ma`lumot uchun, Toshkent shahrida bo`lib o`tadigan ommaviy yugurish musobaqasi uchta joyda tashkil etilib, ular Yangi O`zbekiston” parki, “Ashxobod” parki va “Humo Arena” maydonchalari hisoblanadi.
Oybek Shukurov.
