“Uzbekistan Airways” aviaqatnovlar kechiktirilgani to`g`risida rasmiy xabar e`lon qildi.
Unga ko`ra, bugun, 2022 yil 14 noyabr kuni Farg`ona xalqaro aeroportida noqulay ob-havo sharoiti tufayli rejalashtirilgan bir qator reyslar majburiy kechiktirildi. Jumladan:
HY081 Toshkent – Farg`ona qatnovi soat 06:55 o`rniga soat 09:44 da jo`nab ketdi.
HY277 Farg`ona – Istanbul va HY278 Istanbul – Farg`ona hamda HY082 Toshkent – Farg`ona qatnovlari ham kechikishini ma`lum qilamiz.
"Aviakompaniya uchun yo`lovchilar xavfsizligi yuqori o`rinda turishini eslatib o`tadi. Keltirilgan noqulayliklar uchun yo`lovchilar va ularni kutib oluvchilardan uzr so`raymiz", - deyiladi “Uzbekistan Airways” AJ Axborot xizmati.
