17 noyabr – Xalqaro talabalar kuni munosabati bilan yurtimizdagi 154 ta oliy ta`lim muassasalarida ta`lim olayotgan 808 mingdan ortiq talabalarni chin dildan tabriklaymiz.
Davlat statistika qo`mitasi ma`lumotlariga ko`ra, 2021/22-o`quv yili boshiga respublikamizdagi oliy ta`lim muassasalarida ta`lim olayotgan talabalar soni 808,4 mingtani tashkil etgan.
Shundan:
Talaba yigitlar – 439,4 ming nafar
Talaba qizlar – 369 ming nafar
Davlat statistika qo`mitasi ma`lumotlariga ko`ra, 2021/22-o`quv yili boshiga respublikamizdagi oliy ta`lim muassasalarida tahsil olayotgan xorijlik talabalar soni 5,1 ming nafarni tashkil etgan.
2021 yilning 1 yanvar holatiga, YuNESKOning statistika instituti ma`lumotlariga ko`ra, xorijda tahsil olayotgan O`zbekistonlik talabalar soni 85,9 ming nafarni tashkil etgan.
Xorijiy davlatlarda tahsil olayotgan O`zbekistonlik talabalar soni bir yil ichida qariyb 33 ming nafarga ortdi.
Ushbu ko`rsatkich bo`yicha Qozog`iston Respublikasi 90,3 ming nafar talaba bilan mintaqada etakchilik qilmoqda.
Dunyo miqyosida Xitoy Xalq Respublikasi 1,1 mln. talabasi xorijda tahsil olishi bilan mutlaq etakchilik qilmoqda.
Mintaqadagi ayrim davlatlar bo`yicha xorijda tahsil olayotgan talabalar soni:
— Qozog`iston – 90,3 ming nafar
— O`zbekiston – 85,9 ming nafar
— Ukraina – 79,9 ming nafar
— Turkmaniston – 68,2 ming nafar
— Rossiya – 57,6 ming nafar
— Afg`oniston – 31,9 ming nafar
— Tojikiston – 28 ming nafar
— Belarus R. – 24,5 ming nafar
— Qirg`iz R. – 13,3 ming nafar
