O`zbekistondagi tibbiyot muassasalari faoliyatini muvofiqlashtirish uchun Sog`liqni saqlash vazirligida uzluksiz ish olib boradigan shtab tashkil etildi. Bu haqda vazirlik matbuot xizmati xabar berdi.
Qayd etilishicha 5 dekabr ertalabki soat 08:00 dan 6 dekabr 08:00 gacha mazkur shtabga O`zbekistondagi tez tibbiy yordam xizmati faoliyati bo`yicha ma`lumotlar kelib tushgan. Xususan, o`tgan bir stukada tez yordam xizmatiga 37 336 ta chaqiriq kelib tushgan bo`lsa, «103» xizmatida jami 2733 ta tibbiyot brigadasi faoliyat ko`rsatmoqda.
Eng ko`p chaqiriqlar:
- Andijon viloyati — 4 491 ta;
- Farg`ona viloyati — 4 450 ta;
- Namangan viloyati — 3 821 ta;
- Toshkent shahri — 3 665 ta;
- Toshkent viloyati — 3 178 ta.
Mamlakat bo`yicha shifoxonaga yotqizilgan bemorlar soni:
- kattalar — 2 462 nafar;
- bolalar — 829 nafar.
- Shuningdek, 2 568 nafar chaqaloq dunyoga kelgan.
Koronavirus aniqlangan bemorlar:
- 18 yoshgacha — 31 nafar;
- kattalar — 89 nafar;
- jami — 120 nafar.
Shundan 79 nafari shifoxonaga yotqizilgan.
