Avvalroq O`zbekiston Rossiya va Qozog`iston bilan gaz ittifoqi tuzish g`oyasidan voz kechgani haqida xabar bergan edik.
Rossiya prezidenti matbuot kotibi O`zbekiston energetika vazirining so`zlarini tasdiqladi.
O`zbekiston bosh vaziri o`rinbosari, energetika vaziri Jo`rabek Mirzamahmudov Rossiya bilan tabiiy gaz bo`yicha hamkorlik hech qanday siyosiy shartlar asosida emas, faqatgina tijoriy kelishuv bo`yicha shartnoma tuzilishini aytgan edi.
Rossiya prezidenti matbuot kotibi Dmitriy Peskovga ko`ra, “siyosiy shartlar evaziga gaz” haqida hech qanday so`z ketmayapti. Gap tijoriy tomon, ishtirokchi mamlakatlar manfaatlariga mos harakatlarni muvofiqlashtirish haqida bormoqda.