Umuman, Investisiya va tashqi savdo vazirligi investisiya loyihalari va mahalliy sanoatda jami 320 mingta doimiy ish o`rni yaratishga mas`ul bo`lishi ta`kidlandi. Bu haqda Prezident matbuot kotibi xabar bermoqda.
Prezidentimiz to`rtinchi yo`nalish – Yangi O`zbekiston massivlari, ipoteka dasturi doirasida va xususiy sektor bilan kelasi yili 90 mingta xonadonli uy-joylar qurish shartligini qayd etdi.
Bugungi kunga qadar ipoteka dasturlari doirasida qurilishi kerak bo`lgan xonadonlarning atigi 20 mingtasi yoki 40 foizi yakuniga etgan. Bundan tashqari, Qashqadaryo, Namangan va Toshkent viloyatlarida jami 1 ming xonadonli uy-joylarni qurish ishlari boshlanmagan.
Bosh vazirga o`n kun muddatda rejani bajarmagan hududlar bo`yicha xulosa qilib, taklif kiritish topshirildi.
