Bugun, 23 dekabr kuni Oliy majlis qonunchilik palatasi deputati Rasul Kusherbaev deputatlik faoliyatini yakunlagani haqida xabar bergan edi. Uning ortidan Toshkent shahar xalq deputatlari Uchtepa tuman Kengashining O`zLiDeP partiyasidan deputat Nuriddin Zaynitdinov ham o`z xohishiga ko`ra deputatlik faoliyatini yakunlaganini ma`lum qildi.
Nuriddin Zaynitdinov deputatlar og`zini yopish, qasddan ularni pozisiyasini bildirishiga qarshiliklar ko`rsatilishini aytmoqda.
"Deputatlarni bosim bo`lsa, hamma jim... Deputatlarni qamamoqchi bo`lsa, hamma jim... Deputatlarni taqib qilsa, hamma jim... Mahalliy Kengash deputatlari daxlsizligi bir tuman bilan chelansa, xamma jim... Oliy Majlis Qonunchilik palatasida deputatga kafolatlangan so`z berilmasa, xamma jim...
Gapirma! Indama! Aralashma! Qachongacha bundan gaplarni eshitamiz?! Deputatning gapirishdan boshqa nimasi qolmoqda? Endi shungayam yo`l berilmasa...", - deydi deputat.
Rasul Kusherbaevni to`liq qo`llab quvvatlashini bildirgan. Deputat bo`lib, emin-erkin deputatlik qilolmaydigan sharoitda ishlab bo`lmasligini ta`kidlagan.
Uning aytishicha, 2022 yilni o`zida 2-3 marotaba unga bo`lgan bosimlar va noqonuniy ishlarni aybdorlariga shu kungacha chora ham ko`rilmagan. Hatto, oilasi, qarindoshigacha ta`qib va bosim qilishgan.
