Олий Мажлис Қонунчилик палатаси депутати Расул Кушербаев депутатлик фаолиятини якунлашини маълум қилди. Бу ҳақда у телеграмдаги каналида маълум қилди.
"Депутатлик фаолиятимни якунлашга қарор қилдим. Бундай ишлай олмас эканман. Бунга мажбур бўлганимдан афсусдаман. Ишонч билдирган, қўллаб-қувватлаган барчага раҳмат! Розинг бўлинглар. Насиб қилса қолганини вақт кўрсатади. Аллоҳ мададкор бўлсин", — деб ёзади Расул Кушербаев.
Эслатиб ўтамиз, депутат давлат бюджетининг муҳокамасида иштирок этмаган эди. Кушербаевнинг ўзи, унга фикр билдириш учун сўз берилмаганини айтган эди.